മാനവസേവയാണ് ഈശ്വരസേവയെന്നും, ജീവകാരുണ്യം നമ്മുടെ ഔദാര്യമല്ല, ഓരോരുത്തരുടേയും കടമയാണ് എന്ന ചിന്തയിൽ നിന്നാണ് മാനവസേവാ സമിതിയുടെ പിറവി. കഴിഞ്ഞ കാൽ നൂറ്റാണ്ടുകളായി ധാർമിക - ജീവകാരുണ്യ മേഖലയിൽ വ്യത്യസ്തമായ പന്ധാവിലൂടെ യാത്രചെയ്യുവാൻ ആഗ്രഹിക്കുന്ന ഒരുപിടിയാളുകളുടെ ഒത്തുചേരൽ. ആർഷഭാരത സംസ്കാരത്തേയും, പൈതൃകത്തേയും നെഞ്ചോട് ചേർത്ത്, പരമപവിത്രമായ ജന്മലക്ഷ്യത്തിലേക്ക് ഓരോ ജീവനെയും എത്തിക്കുന്നതിനായുള്ള ഒരു കൂട്ടായ്മ... ഇവിടെ ധാർമിക ജീവകാരുണ്യ പ്രവർത്തനങ്ങൾ ഹൃദയതാളമാവുന്നു.

വേദവിധിപ്രകാരം, സത്യാന്വേഷികളായ വിവിധ ആശ്രമങ്ങളിൽപ്പെട്ടവർ (ബ്രഹ്മചര്യം, ഗൃഹസ്ഥം, വാനപ്രസ്ഥം, സന്യാസം) കർമ്മവും ധർമ്മവും അനുഷ്ഠിച്ച് ഒരുമിച്ച് ശാശ്വതമായ ശാന്തിയും സമാധാനവും നുകരുന്ന ആനന്ദജീവിതം നയിക്കുന്നതിനുള്ള മഹത്തായ ശ്രമം ആണ് "ആർഷഗ്രാമം". സത്യാന്വേഷികളായ ഏവർക്കും നിർദ്ദിഷ്ട വ്യവസ്ഥകൾ പാലിച്ച് ഇവിടെ പ്രവേശനം നേടാം. കൂടാതെ, വേദവിഷയങ്ങൾ അഭ്യസിക്കുന്നതിനായി "ആർഷവേദഗുരുകുലം" എന്ന പഠനസൗകര്യവും ഇവിടെ ഒരുക്കിയിരിക്കുന്നു.